🔹Бүгүн Ош шаарында энергетиктердин кесиптик майрамы белгиленип, сыйлоо аземи өттү. Иш-чарага Ош шаарынын мэри Жеңишбек Токторбаев, шаардык кеңештин төрагасы Болот Баетов, тиешелүү тармактын жетекчилери жана энергетика тармагынын кызматкерлери катышты.
🔹Калаа башчысы өз сөзүндө өтүп бара жаткан жыл Ош шаарынын энергетика тарыхында өзгөчө орун алганын белгилеп, жыл ичиндеги ири иштерге токтолду. Тактап айтканда, Кең-Сай массивине электр жарыгы жеткирилип, Эне-Сай жаңы конушуна электр энергиясын тартуу боюнча масштабдуу иштер ишке ашырылганын айтты.
🔹Салтанаттуу иш-чаранын жүрүшүндө өз ишин жоопкерчилик менен аткарган энергетиктерге Ош шаарынын мэриясынын Ардак грамоталары жана мэрдин энчилүү сааттары тапшырылды. Ошондой эле Ош РЭТ жана Сулайман-Тоо РЭТ ишканаларына Porter үлгүсүндөгү кызматтык унаалар берилди.
🔹Мындан тышкары, мэр Жеңишбек Токторбаев коммуналдык чарба ишканаларынын жетекчилерине да Ош шаарынын мэринин энчилүү сааттарын тапшырды.
