Таңкы рейд, саат 8:00
Ош шаарынын мэри Жеңишбек Токторбаев тиешелүү кызматтар менен биргеликте таңкы рейд өткөрүп, Манас-Ата аймактык башкармалыгы аркылуу өткөн Жекелик каналынын суу корук аймагын бошотуу боюнча кыдырып чыкты. Анын алкагында шаар мэри А. Навои көчөсүндө жайгашкан, көп жылдан бери иштетилбей турган «Евразия» кафесинин суу жээгине курулуп калган объектилерин жеринен көрүп, Жекелик каналынын суу корук аймагына өз билемдик менен салып алган курулуштарды тез арада алып салуу жана аймакты бошотуу боюнча тапшырма берди. Ошондой эле рейддин жүрүшүндө шаар башчысы Жекелик каналынын суу корук аймагына курулуш жүргүзүп алган бъектилердин аймагын карап чыгууну тапшырды.
