Ош шаарынын прокурорунун орун басары З.Тойчубаевдин төрагалыгында жана Мамлекеттик салык кызматынын Ош шаары боюнча башкармалыгынын, ишкердиктин субъекттерине текшерүүлөрдү жүргүзүүгө укугу бар ыйгарым укуктуу органдардын, шаар аймагындагы жеке ишкерлердин катышуусунда жыйын өткөрүлдү. Жыйында өлкө башчысынын “Ишкердик субъекттерге салык контролун жүргүзүүгө убактылуу тыюу салууну (мораторий) киргизүү жөнүндө” Жарлыгынын жана Кыргыз Республикасынын Башкы прокурорунун 2026-жылдын 13-февралындагы көрсөтмөсүнүн талаптарынын аткарылуусу боюнча маселе каралды. Жыйындын жүрүшүндө салык органдарында катталган ишкердик субъекттерге мыйзамсыз текшерүүлөргө, салык органдары тарабынан жүргүзүлүүчү салык контролун жүргүзүүгө 2026-жылдын 31-декабрына чейин мораторий киргизилгендиги түшүндүрүлдү. Ошондой эле, бул багытта кандайдыр бузулган укуктар учураганда, прокуратура органдарына төмөнкү жолдор менен кайрылууга укуктуу экендиги эскертилди.
0773041616 ишеним телефону
«Бизнести коргоо» мобилдик тиркемеси (App Store жана Google Play’де жеткиликтүү).
www.prokuror.kg расмий сайты
