Ош шаары, 4-март

Бүгүн Ош шаардык кеңешинин XIX сессиясы өткөрүлүүдө. Сессияга Ош шаарынын мэри Жанарбек Акаев, Ош шаардык кеңешинин депутаттары жана шаардагы мекеме-ишканалардын жетекчилери катышууда.

Күн тартибине:

– 2026-жылга Ош шаарынын жергиликтүү бюджетин бекитүү жана 2027-2028-жылдарга пландык мезгили жөнүндө;

– Ош шаарынын 2025- жылга жана 2026-2027- жылдардын пландык мезгилине жергиликтүү бюджетине өзгөртүүлөрдү жана толуктоолорду киргизүү жөнүндө;

– Муниципалдык мүлктү бошотуу жөнүндө;

– “Ош шамы” гезитинин тарифин бекитүү жөнүндө;

– Ош шаарындагы айрым географиялык объекттердин аталыштары жөнүндө;

– Мамлекеттик менчиктеги айрым мүлктөрдү Ош шаарынын муниципалдык менчигине кабыл алууга макулдук берүү жөнүндө;

– Ош шаарынын муниципалдык менчигиндеги айрым мүлктөрдү мамлекеттик менчикке өткөрүп берүүгө макулдук берүү жөнүндө;

– Ош шаарынын мэриясынын алдында “Сулайман-Тоо” волейболдук клубун түзүүгө макулдук берүү жөнүндө;

– Ош шаардык Кеңешинин 2025-жылдын 25-ноябрындагы “Ош шаарынын муниципалдык менчигиндеги айрым мүлктөрдү мамлекеттик менчикке өткөрүп берүүгө макулдук берүү жөнүндө” токтомуна өзгөртүү киргизүү жөнүндө маселелер коюлду.

Ошондой эле шаардык кеңештин депутаттары Ош шаарынын жергиликтүү бюджети, шаардагы курулуш иштери, Башкы план, коммуналдык чарба, социалдык маселелер, билим берүү тармагы, инвестиция тартуу жана ишкерлерди колдоо боюнча суроолорду берип, шаарды өнүктүрүү, эл көйгөйлөрүн чечүү маселелерин сунуштады.

Шаар башчысы Ош шаарын өнүктүрүү, инфраструктурасын жакшыртуу, жашылдандыруу жана башка олуттуу маселелер боюнча шаардык кеңеш менен биргеликте тыгыз иштешип, сессияда коюлган суроолор, сунуштар боюнча тиешелүү иштер алынып барыла тургандыгын билдирди.