Ош шаарында жарыяланган жазгы үч айлыктын алкагында түзүлгөн штабдын үчүнчү жыйыны өткөрүлдү. Ага Ош шаарынын мэринин орун басары Эрнис Толтоев, мекеме-ишканалардын жетекчилери, айылдык аймактык жана муниципалдык аймактык башкармалыктардын башчылары, штабдын жалпы мүчөлөрү катышты.
Жыйында 12-марттагы экинчи штабдык чогулушта берилген тапшырмалардын аткарылышы боюнча маалыматтар алынып, келе жаткан ишемби күнү, 28-мартта жалпы шаардык ишембиликти уюшкандыкта өткөрүү боюнча тапшырмалар берилди. Бул жолу негизинен бак-дарактарды актоо иштерине басым жасала турган болду. Белгилей кетсек, өткөн ишембиликке 15884 жаран катышып, 207,2 гектар жер аянты тазаланып, 1080 куб таштанды чыгарылып, 14390 метр ирригациялык арыктар тазаланып, 5992 түп ийне, жазы жалбырактуу жана мөмө берүүчү көчөттөр, гүлдөр отургузулган.
