Ош шаары, 16-апрель
Бүгүн мэрдин орун басары Эрнис Толтоевдин жетекчилигинде Ош шаарында жарыяланган жазгы үч айлыктын алкагындагы кезектеги штабдык отурум өткөрүлдү.Отурумдун жүрүшүндө буга чейинки ишембиликтердин алкагында аткарылган иштер боюнча тиешелүү мекеме-ишканалардын маалыматтары угулду. Ошондой эле 18-апрелде шаар аймагында жалпы республикалык ишембилик уюшкандыкта өткөрүлүшү керектиги белгиленди.Ишембиликке Ош шаарынын аймагындагы бардык мекеме-ишканалар менчигинин түрүнө жана аймактык баш ийүүсүнө карабастан активдүү катышуусу керектиги эскертилип, бир катар тапшырмалар коюлду.Мындан тышкары жазгы үч айлыктын алкагында шаар аймагында жашыл аймактардын санын көбөйтүү, бак-дарактардын жана ар түрдүү гүлдөрдүн көчөттөрүн отургузуу иштерин улантуу керектиги айтылды.Бегилей кетсек, 1-марттан 16-апрелге чейин 11 497 түп жазы жалбырактуу, 3 625 түп ийне жалбырактуу, 50 000ден ашуун бадал, 15 099 түп ар кандай мөмө берүүчү дарак көчөттөрү, ошондой эле 28 түрдөгү 200 000ден ашуун гүл көчөттөрү отургузулду жана жалпы 4 682 куб метр таштанды чыгарылып, 156 000 метр узундуктагы ички ирригациялык арыктарды жана каналдарды тазалоо иштери аткарылды.
