Ош шаарында “Мадина” аталышындагы жаңы кондитердик цех ишке кирди. Ачылышка шаар мэр Жанарбек Акаев, Орус-Кыргыз өнүктүрүү фондунун жетекчиси Артем Новиков, Ош шаардык кеңешинин төрагасы Болот Баетов жана коомдук ишмерлер катышты.
Иш-чаранын жүрүшүндө калаа башчысы шаарда ишкерлер үчүн жеңилдетилген шарттар түзүлүп жатканын белгилеп, инвесторлорду активдүү кызматташууга чакырды. Анткени бүгүнкү күндө инвестициялык климатты жакшыртуу максатында мамлекеттик кызмат көрсөтүүлөрдү ыкчамдатуу иштери жүргүзүлүүдө.Ишкана Орус-Кыргыз өнүктүрүү фондунун 63 млн сом колдоосу менен ачылып, 100 жумуш орду түзүлдү. Заманбап жабдуулар менен камсыздалган цехте 100дөн ашуун түрдөгү табигый таттуулар өндүрүлөт.
