Бүгүн, 28-апрель Ош шаарында жана Ош облусунда жол-транспорт кырсыктарынын көбөйүшүнө байланыштуу кеңейтилген жыйын өткөрүлдү.Жыйынга, Кыргыз Республикасынын Президентинин Ош облусундагы ыйгарым укуктуу өкүлү Аманкан Кенжебаев, Ош шаарынын вице-мэри Эрнис Толтоев, Кыргыз Республикасынын Ички иштер министрлигинин Жол кыймылынын коопсуздугун камсыздоо башкы башкармалыгынын өкүлдөрү, райондук мамлекеттик администрациялардын башчылары, акимдер, облустук жана шаардык укук коргоо органдарынын жетекчилери, жергиликтүү өз алдынча башкаруу органдарынын өкүлдөрү жана тиешелүү мекемелердин жетекчилери катышты.
Жыйында жол кырсыктарынын негизги себептери талкууланып, айдоочулардын тартипти сактабагандыгы, ылдамдыкты ашыруу жана жол эрежелерин бузуу учурлары өзгөчө белгиленди. Ошондой эле жол кыймылынын коопсуздугун камсыздоо боюнча көрүлүп жаткан чаралардын натыйжалуулугу каралып, тиешелүү мекемелерге алдын алуу иштерин күчөтүү тапшырмалары берилди.Мындан тышкары, калк арасында түшүндүрүү иштерин кеңейтүү, мектептерде жана жогорку окуу жайларда жол коопсуздугу боюнча сабактарды активдештирүү, ошондой эле жол инфраструктурасын жакшыртуу боюнча конкреттүү сунуштар айтылды.
