2026-жылдын 4–5-июнь күндөрү Ош шаарында жергиликтүү жамааттын Уставынын долбоорун коомдук талкуулоо боюнча жыйындар өткөрүлдү. Иш-чаралар шаардын бардык 9 МАБ/ААБында уюштурулуп, ага жергиликтүү тургундар, коомдук уюмдардын өкүлдөрү жана башка кызыкдар тараптар активдүү катышышты. Жыйындардын жүрүшүндө катышуучулар долбоордун мазмуну менен таанышып, өз сунуштарын жана пикирлерин билдиришти. Жыйындардын жыйынтыгында бардык сунуштар жалпыланып, Уставдын акыркы редакциясын даярдоодо эске алуу үчүн жумушчу топко берилди. Белгилей кетсек, талкууга коюлган Уставдын долбоору Ош шаарынын мэриясы тарабынан түзүлгөн жумушчу топ тарабынан иштелип чыккан. Долбоор жергиликтүү жамааттын ишмердүүлүгүн жөнгө салууга, жарандардын коомдук турмушка катышуусун кеңейтүүгө жана жергиликтүү өз алдынча башкаруунун натыйжалуулугун жогорулатууга багытталган.
