Ош шаарынын делегациясы Өзбекстандын Самарканд шаарында өткөн боордош шаарлардын эл аралык форумуна катышты. Иш-чарага Өзбекстан, Кыргызстан, Түркия, Япония, АКШ, Франция жана Россиянын муниципалитеттери, эл аралык уюмдар жана бизнес өкүлдөрү чогулду.
Форумдун алкагында Ош менен Наманган шаарларынын ортосунда соода-экономикалык, илимий-техникалык, билим берүү, маданият жана спорт тармактарында кызматташуу боюнча меморандумга кол коюлду.
Ош шаарынын мэриясынын аппарат жетекчиси Мыктыбек Осмоналиев бир катар чет өлкөлүк өнөктөштөр менен жолугушуп, инвестиция тартуу, туризмди өнүктүрүү жана шаардык башкарууну санариптештирүү боюнча биргелешкен долбоорлорду талкуулады.
Эл аралык кызматташтыкты кеңейтүү Ош шаарынын инвестициялык жана туристтик потенциалын арттырып, туруктуу өнүгүүгө жаңы мүмкүнчүлүктөрдү ачат.
