Бүгүн Ош шаарынын мэри Жанарбек Акаев жаңыланган унаа бекетине барып, жүргүнчүлөр үчүн түзүлгөн жаңы шарттар менен таанышып чыкты.
Унаа бекетин жаңылоо иштери шаар тургундарынын жана жүргүнчүлөрдүн суроо-талабына ылайык жүргүзүлүп, алардын ыңгайлуулугуна жараша зарыл болгон бардык шарттар түзүлдү.
Аткарылган иштердин алкагында имараттын ички бөлүктөрү жаңыланып, жүргүнчүлөр үчүн күтүү залдары, убактылуу жатакана, кийим-кече сатуучу дүкөн, санитардык түйүндөр курулду.
Эми унаа бекети жөн гана жолго чыгуучу жай эмес, жүргүнчүлөр убактысын ыңгайлуу өткөрүп, керектүү кызматтардан пайдалана ала турган заманбап жайга айланды.
