Ош шаарында 2026-жылдын I жарым жылдыгынын жыйынтыгын чыгарган коллегиялык жыйын өттү. Ага Ош шаарынын мэринин биринчи орун басары Оморбек Торобаев, мэрдин орун басарлары, ошондой эле мэриянын тиешелүү түзүмдүк бөлүмдөрүнүн жана муниципалдык мекеме-ишканалардын жетекчилери катышты.
Коллегиялык жыйында:
– Ош шаарынын 2026-жылдын биринчи жарым жылдыгындагы социалдык-экономикалык өнүгүүсүнүн жыйынтыктары жана 2026-жылдын
экинчи жарым жылдыгына карата милдеттери жөнүндө;
– “Ош шаарынын мэриясынын жарандарды тейлөө бюросу” муниципалдык ишканасынын ишмердүүлүгү жөнүндө маселелер каралды.
Жыйын суроо-жооп иретинде өтүп, күн тартибинде каралган маселелер боюнча аткарылган иштердин жетишкендиктери жана орун алган кемчиликтер айтылып, тиешелүү жетекчилердин маалыматтары угулду.
Жыйынтыгында 2026-жылдын биринчи жарым жылдыгында орун алган кемчиликтерди жоюу, экинчи жарым жылдыкта алдыга коюлган милдеттерди жана пландалган иштерди өз убагында, так ишке ашыруу боюнча тиешелүү жетекчилерге тапшырмалар берилди.
