Ош шаарында курулуш тармагынын өкүлдөрүнүн кесиптик майрамы – Куруучулар күнүнө арналган салтанаттуу иш-чара өттү.
Иш-чарага Ош шаарынын мэри Жанарбек Акаев, Ош шаардык Кеңешинин төрагасы Болот Баетов, мэриянын түзүмдүк бөлүмүнүн кызматкерлери, шаар куруу тармагындагы мекеме-ишканалардын жетекчилери жана тармакта үзүрлүү эмгектенип жаткан адистер катышышты.
Майрамдык иш-чаранын жүрүшүндө шаар башчысы куруучуларды кесиптик майрамы менен куттуктап, шаарды өнүктүрүүдө, заманбап инфраструктураны түзүүдө жана эл үчүн ыңгайлуу шарттарды камсыздоодо курулуш тармагынын өкүлдөрүнүн эмгеги чоң мааниге ээ экенин белгиледи.
Ал Ош шаарында курулуш багытында аткарылып жаткан масштабдуу иштерге токтолуп, 2026-жылы жергиликтүү жана республикалык бюджеттердин эсебинен бир катар маанилүү долбоорлор ишке ашырылып жатканын билдирди.
Мэр ошондой эле курулуш тармагынын өкүлдөрүнө ыраазычылык билдирип, курулуш тармагында көп жылдар бою үзүрлүү эмгектенип, шаардын өнүгүшүнө салым кошкон адистерди Ош шаарынын мэриясынын атынан Ардак грамоталары жана ыраазычылык каттар менен сыйлады.
Иш-чара концерттик программа менен коштолуп, анда чыгармачыл жамааттар жана таланттуу аткаруучулар өз өнөрлөрүн тартуулап, майрамдык маанай тартуулашты.
