Урматтуу Ош шаарынын тургундары жана коноктору!
21-март күнү Ош шаарынын борбордук аянтында “Нооруз-2024” майрамы салтанаттуу белгиленет.
Саат 09:00дөн тарта “Ноорузду даңазалоо” оюн-зоок программасынын алкагында маданият башкармалыгынын, белгилүү ырчылардын, артисттердин катышуусунда театралдашкан концерт тартууланат.
Аянттын оң тарабында 7 кыргыз боз үйлөрү тигилип, “Кыргыз шырдак” көргөзмө-жарманкеси, Айыл чарба техникумунун аянтынан баштап, №2-балдар музыкалык мектебине чейин кол өнөрчүлөрдүн, улуттук тамак-аштардын жана “Көктөм” (гүл жана жаңы көчөттөрдүн) көргөзмө-жарманкеси, улуттук спорттун түрлөрү боюнча мелдештер уюштурулат.
Мындан сырткары, «Алымбек Датка» этнографиялык комплексинде Ош шаарынын мэриясынын “Сулайман-Тоо” муниципалдык аймактык башкармалыгы жана Ош мамлекеттик университети тарабынан уюштурулган майрамдык иш-чаралар өтөт.
