Бүгүн, 5- апрель Ош мамлекеттик университетинде Кара-Кыргыз автономиялык областынын түзүлгөндүгүнүн 100 жылдыгы жана Кыргызстандын көрүнүктүү коомдук жана мамлекеттик ишмери, Кара-Кыргыз автономиялуу облусунун жетекчиси Иманалы Айдарбековдун 140 жылдыгына арналган “Иманалы Айдарбеков -биринчи жетекчи” аттуу илимий-практикалык конференция болуп өттү.
Иш-чарага Кыргыз Республикасынын Жогорку Кеңешинин депутаттары, Ош шаарынын мэринин орун басары Нурбек Кадыров, Кыргыз Республикасынын Президентинин кеңешчиси Арслан Койчиев, Кыргыз Республикасынын Билим берүү министринин, Кыргыз Республикасынын Маданият, маалымат спорт жана жаштар саясаты министринин орун басарлары, ОшМУнун профессордук курамы катышышты.
Конференциянын алкагында Иманалы Айдарбековдун Кыргыз мамлекеттүүлүгүнүн түптөлүшүнө жана экономика тармактарынын өнүгүшүнө кошкон салымы боюнча баяндамалар жасалып, Кыргыз Республикасынын Жогорку Кеңешинин атынан Ардак грамота, ыраазычылык баракчалары тапшырылды.
