Европа реконструкциялоо жана өнүктүрүү банкынын (ЕРӨБ) каржылык колдоосу менен ош шаарында жаңы санитардык полигон курулуп, эски таштанды полигону рекультивацияланат.
Долбоорду ишке ашыруу иштеринин жүрүшү менен Кыргыз Республикасынын каржы министринин орун басары Руслан Татиков таанышты.
Ошондой эле Ош шаарынын мэринин орун басары Сонунбек Жунусбаев долбоордун алкагында «Ош-Тазалык» ишканасынын техникалык жана материалдык базасынын чыңдоо боюнча аткарылган иштер боюнча маалымат берди.
Учурда долбоорду ишке ашыруучу компаниялардын сунуштары, тиешелүү иш кагаздары каралып жатат. Жыйынтыгы менен жеңүүчү аныкталып, курулуш иштери башталат.
Белгилей кетсек, бул иштер Европа реконструкциялоо жана өнүктүрүү банкынын «Ош шаарында катуу таштандыларды иштетүү системасын жакшыртуу» долбоорунун алкагында ишке ашууда.
