Бүгүн, Ош шаарынын мэринин орун басары Сонунбек Жунусбаев жазгы үч айлык боюнча штабдын жыйынын өткөрдү.
Жыйынга мекеме-ишканалардын, муниципалдык аймактык башкармалыктардын жетекчилери катышып, Кыргыз Республикасынын Президентинин “Улуттук тазалык күнү жөнүндө” Жарлыгын ишке ашыруу максатында 20-апрель Ош шаарында жалпы ишембиликти өткөрүү боюнча сүйлөшүлдү.
Соңунда жооптуу кызматкерлерге жалпы ишембиликти жогорку уюшкандыкта өткөрүү боюнча тийиштүү талаптар коюлду.
Белгилей кетсек, шаардагы жалпы ишембиликке жана көрктөндөрүүгө, мамлекеттик мекеме-ишканалар, ошондой эле менчигинин түрүнө карабастан бардык коммерциялык, соода түйүндөрдүн жана жайлардын менчик ээлери катышат.
Ошондой эле Алымбек датка этнографиялык борборунда Ош шаарынын мериясы, “Ош-Тазалык” атайын адистештирилген муниципалдык ишканасы тарабынан “Тазалык сенден башталат” аттуу флешмоб өтөт.
