Бүгүн, Ош шаарынын мэриясында энелер күнүнө арналган салтанаттуу иш-чара болуп өтүп, ага шаардык кеңештин төрагасы Салман Назылбеков, Ош шаарынын мэринин биринчи орун басары Марс Исаев, аз камсыз болгон үй-бүлөлөрдөн, көп балалуу баатыр жана ардагер энелер катышты.

Мэрдин биринчи орун басары Марс Исаев айымдарды “Эне”, – деген ардактуу наамга жетип, анын ар бир түйшүгүн кубанычка айландырган сыймыктуу күн менен жалпы аялдарды Ош шаарынын мэри Бакытбек Жетигеновдун жана жеке өзүнүн атынан куттуктап, бир катар энелерге сыйлыктарды тапшырды.

Майрамдык иш-чаранын жүрүшүндө шаар бийлиги тарабынан шаардын социалдык-экономикалык өнүгүүсүнө кошкон салымы жана келечек муундарды тарбиялоодогу кошкон жигердүү эмгеги үчүн бир катар энелерге Ош шаарынын мэриясынын Ардак грамоталары жана баалуу белектери тапшырылды.

Белгилей кетсек, Ош шаарында 567гө жакын “Батыр эне”, 185 “Эне даңкы” медалынын ээси бар. Энелер күнү жыл сайын май айынын үчүнчү жумасында белгиленип келет.