Ош шаарынын мэриясынын муниципалдык менчик башкармалыгы тарабынан Амир-Тимур көчөсүндөгү А.С.Пушкин атындагы мектептин аймагында жайгашкан мыйзамсыз курулуштарды алып салуу, мектептин аймагына каратылган үйлөрдүн дарбазасын тосуу иштери жүрүп жатат.

Айта кетсек, аталган аймак мурда Төлөйкөн айыл өкмөтүнө караштуу болгон, андан соң административдик-аймактык реформанын алкагында Ош шаарынын карамагына өткөн.
Учурда мектептин 200 чарчы метрден ашык аянты мыйзамсыз курулуштардан бошотулду. Ошондой эле аймакка жанаша жайгашкан 3 кабаттуу жеке бала бакчанын имаратынын курулушунун мыйзамдуулугун текшерүү боюнча тиешелүү кызматтарга кайрылуулар жөнөтүлдү.

Ош шаарынын мэринин тапшырмасына ылайык, А.С.Пушкин атындагы мектептин аймагы баштапкы абалына келитирилип, мамлекетке кайтарылат.

Белгилей кетсек, шаардагы 56 мектептин ичинен 31 билим берүү мекемелеринин аймагында мыйзамсыз курулуштар аныкталып, мыйзамсыз ээлигинен мүлктү кайтарып алуу иштери жүргүзүлүүдө.

@oshmeriya