Сиздерди Кыргыз Республикасынын мамлекеттик жана муниципалык кызматкерлеринин күнү, кесиптик майрамыңыздар менен куттуктайм!

Бул күн – мамлекеттин социалдык-экономикалык өнүгүүсүнө жана элдин бакубат жашоосуна салым кошуп келе жаткан кесипкөй адамдардын майрамы.

Бүгүнкү күндө мамлекеттик жана муниципалдык кызматкерлердин ар бири өлкө жүгүн аркалап, эл кызматында жүргөндөр. Учурда Ош шаарында жалпы 231 муниципалдык кызматкер эмгектенип келишүүдө.

Сиздер тараптан жүргүзүлүп жаткан аракеттер, көтөргөн демилгелер, чечкиндүү иштердин натыйжасында шаарыбыздын гүлдөп-өнүгүшүнө ишеним чоң.

Ошондой эле ишенип берилген милдеттерди так аткарып, өлкөнүн өнүгүүсү үчүн бүт өмүрүн арнаган ардагерлерге терең ыраазычылык билдирем.

Бүгүнкү күндө мамлекет тарабынан кадрлардын сапатына, кесиптик даярдыгына, кызматтык кѳтѳрүлүүсүнѳ өзгөчө кѳңүл бурулууда.

Ош шаарынын мэриясы да эл үчүн ак кызмат өтөгөн, сыймыктуу кесип ээлерине ар тараптан колдоо көрсөтүп келет.

Урматтуу Президентибиз Садыр Нургожоевич Жапаровдун демилгеси менен муниципалдык кызматкерлердин эмгек маяналары жыл сайын жогорулоодо. Шаарыбыздагы мамлекеттик жана муниципалдык органдарда тажрыйбалуу жетекчилер, татыктуу адистер эмгектенип, жаш жана келечектүү кадрлар өсүп келе жатышат.

Кымбатуу кесиптештер!

Сиздерди дагы бир жолу майрамыңыздар менен куттуктайм!

Баарыңыздарга чың ден-соолук, бакубат жашоо, кесиптик ишмердигиңиздерде жаңы ийгиликтерди жана жетишкендиктерди каалайм!