Ош шаарындагы Жибек-Жолу аймактык башкармалыгында 625 орундуу, Ирригатор көчөсүндөгү 275 орундуу эки мектеп 2016-жылы башталып курулушу бүтпөй токтоп турган. Учурда иш жанданып быйыл бүткөрүп пайдаланууга берүү максатталган.
Ал эми 225 орундуу Мээркан айылындагы, 700 орундуу Терешкова атындагы жатак мектебинин курулушу жаз айында башталган. Бул мектептер да быйыл бүткөрүлүп пайдалануууга берилет. Аталган окуу мекемелеринин курулуш иштеринин жүрүшүнөн шаар мэри Бакытбек Жетигенов кабар алып, жеринен көрүп чыкты.
Аны менен катар №74 “Бөбөк” жана №60 “Арча-Бешик” бала бакчаларын капиталдык оңдоп-түзөө иштерин да көрүп чыкты.
Шаар башчысы аталган билим берүү мекемелерин сапаттуу жана белгиленген мөөнөттүндө бүткөрүп, пайдаланууга тапшыруу талабын койду.
