Өлкө аймагында 20-марттан тарта айыл чарбасын каттоо расмий түрдө башталды. Бул өнөктүктү ишке ашыруу боюнча Ош шаарында 9 координатор, 45 инструктор, 233 каттоочу бекитилип, алар каттоо ишин жүргүзүп башташты. Каттоонун алкагында айыл чарба жерлери, айыл чарба өсүмдүктөрүнүн эгин аянттары, жаныбарлардын жана канаттуулардын саны, айыл чарба техникалары, дыйкан (фермердик) чарбалардын жана жеке көмөкчү чарбалардын ишмердүүлүгү жөнүндө маалыматтар чогултулат. Белгилей кетсек, айыл чарба каттоосу 10 жылда бир жолу өткөрүлөт жана өлкөнүн айыл чарбасынын абалы жана түзүмү жөнүндө толук маалымат алууга багытталган масштабдуу улуттук статистикалык иш-чара болуп саналат. Аталган өнөктүк 10-апрелге чейин улантылат.7
