Бүгүн, Ош шаарынын мэри Бакытбек Жетигенов “Амир-Тимур” аймагынын жашоочулары менен жолугушту.Жолугушууда аймактык башкармалыктын башчысы тарабынан 2023-жылы, көрктөндүрүү, жашылдандыруу, түнкү жарыктандыруу жана башка чарбалык иштердин аткарылышы боюнча кыскача маалымат берилди.Жарандардар тарабынан негизинен жол, газ, тазалык, мамычаларды орнотуу, трансформатор, коммуналдык, социалдык, жер тилкеге, турак жайга документтерди даярдоо маселелери көтөрүлдү.Бакытбек Жетигенов жергиликтүү жашоочулардын кайрылууларын угуп, тиешелүү жоопторду берген соң, кээ бир маселелер менен жеринен таанышаарын билдирди.Ошондой эле айрым суроолор боюнча тиешелүү кызматтардын жетекчилерине аткаруу боюнча тапшырмаларды берди.