Фестивалдын ачылыш аземине Ош шаарынын мэринин орун басары Нурбек Кадыров жана чет өлкөлөрдөн келген расмий коноктор катышып, жалпы бий өнөр ээлерин салтанаттуу куттукташты.

Иш-чаранын алкагында бийчилердин жөө жүрүшү болуп, республиканын бардык аймактарынан жана чет өлкөдөн келген кол өнөрчүлөрдүн көргөзмө-жарманкеси өттү.

Белгилей кетсек, бий фестивалына Түркия, Өзбекстан, Каракалпакстан, Казакстан жана Кыргызстандын таланттары катышууда. Иш-чара 12-июлга чейин уланат.