Ош шаары менен боордоштук мамиледе болгон Россия Федерациясынын Ростов-на- Дону шаарында 19-21-апрель күндөрү “Хакатон Жаз 2024” программалык камсыздоону иштеп чыгуучуларды форуму өтөт.
Форумга катышууга Ош шаарынын жаштары чакырылат.
Форумдун алкагында 800дөн ашык катышуучулардан турган командалар, анын ичинде 14 жаштан 35 жашка чейинки программисттер, дизайнерлер жана маркетологдор IT кейстерин чечишип, адистердин жардамы менен маалымат технологиялары боюнча практикалык мастер-класстардан өтүшөт. Мыкты иштер IT рыногуна кирип, жеңүүчүлөргө акчалай сыйлыктар ыйгарылат. Жалпы байге фонду 1 000 000 рублдан ашат. Белгилей кетсек, аталган форум он төртүнчү жолу өткөрүлмөкчү.
Кененирээк маалыматты төмөнкү расмий сайттан: https://fantastic-hackathon.ru, же ВКонтакте социалдык тармагынан алсаңыздар болот: https://vk.com/fantastic hackathon.
Форумдун уюштуруучулары:
-Ростов-на-Дону шаарынын администрациясы, алдыңкы аймактык университеттер, банк мекемелери жана алдыңкы IT-компаниялары.
-Ростов-на-Дону шаарынын администрациясынан жооптуу Ростов-на-Дону шаарынын жаштар саясаты боюнча башкармалыгынын башчысы Бганцев Андрей Николаевич (тел. +7 (863) 268-) 78-42, e-mail: mpol@rostov -gorod.ru).
