Бүгүн, Ош шаарынын мэри Бакытбек Жетигенов “Керме-Тоо” муниципалдык аймактык башкармалыгынын жашоочулары менен жолугушту.
Жолугушуунун алкагында аталган аймактык башкармалыгынын башчысы 2023-жылы социалдык багытта, санариптештирүү, мыйзамсыз курулуштарды алып салуу, кош каржылоо программасынын алкагында аткарылган иштер боюнча кыскача маалымат берди.
Жолугушуу суроо-жооп иретинде өтүп, жергиликтүү жашоочулар аймактагы социалдык, курулуш, чарба, билим берүү, транспорт, коопсуздук маселелерине байланыштуу көйгөйлөрүн айтышты.
Бакытбек Жетигенов ар бир жашоочунун айтылган жана кат жүзүндө берилген суроосуна жооп берип, сунуштарды эске алуу менен бирге маселелерди жеринен көрүп чыгаарын билдирди. Ошондой эле, быйылкы жылы кичи райондорду өнүктүрүүгө өзгөчө көңүл бурулуп ички жолдор менен тротуарлар оңдолоорун белгиледи.
Тиешелүү кызматтардын жетекчилерине айтылган маселелерди чечүү боюнча тапшырмалар берилди.
