Нооруз майрамынын алкагында жаңы келген автобустар расмий тапшырылды.
Келген автобустарды жана жол техникаларынын айрым түрлөрүн Кыргыз Республикасынын Министрлер кабинетинин төрагасы Акылбек Жапаров, Ош шаарынын мэри Бакытбек Жетигенов, Өзбек-Кыргыз өнүктүрүү фондунун төрагасы Азиз Аалиев, “СамАвто” заводунун өкүлдөрү шаар тургундары менен биргеликте көрүп чыгышты.
Белгилей кетсек, жаңы автобустар Өзбек-Кыргыз өнүктүрүү фондунан лизинг аркылуу алынган. Автобуста жалпы 25 олтургуч болуп, сыйымдуулугу 55-60 жүргүнчүгө ылайыкталган. Жакынкы убакыттарда шаар ичиндеги төрт багыт боюнча каттамга чыгарылат.
Муну менен катар жол эрежесин бузган жана айып пулун төлөбөй жүргөн же издөөдөгү унааларды аныктоочу беш даана кызматтык авто унаа берилди.
Ошондой эле шаардын муниципалдык ишканалары үчүн сатып алууга пландалган атайын жол техникаларынын айрым түрлөрү көрсөтүлдү.
