Ош шаарынын аймагында өткөрүлгөн жалпы ишембиликте жалпысынан 199,6 гектар жер аянты тазаланып, 1040 куб таштанды чыгарылды. Ошондой эле 21710 метр узундуктагы ирригациялык арыктар тазаланып, суу өткөрүү системалары иретке келтирилди.
Бул жолку ишембиликке мекеме-уюмдардын кызматкерлери, жогорку, орто окуу жайлардын студенттери, жергиликтүү тургундар, жалпы 24202 жаран активдүү катышып, шаардын тазалыгын сактоого өз салымдарын кошушту.Мындан сырткары рекультивацияланган эки көрүстөнгө жана шаар аймагындагы көчөлөргө 8769 түп ийне, жазы жалбырактуу жана мөмө берүүчү көчөттөр, гүлдөр отургузулду жана негизги басым шаар аймагындагы бак-дарактарды актоо иштерине жасалды. “Жашыл мурас” улуттук демилгесин жайылтуу максатында жарыяланган Ош шаарын жашылдандыруу, көрктөндүрүү жана санитардык тазалоо боюнча жазгы үч айлыктын алкагында ишембиликтер 31-майга чейин уланат.
