Бүгүн, борбордук аянтта Кара-Кыргыз автономиялуу облусунун түзүлгөндүгүнүн 100 жылдыгына жана 29-май – КРнын Куралдуу Күчтөрүнүн түзүлгөндүгүнө карата “Мекен артык өмүрдөн” аталышындагы гала-концерт болуп өттү.
Иш-чарага КР Куралдуу Күчтөрүнүн Генералдык штабынын башчысы – Коргоо министринин биринчи орун басары генерал-майор Руслан Мукамбетов, Ош шаарынын мэринин орун басары Замир Юсупов, КР Президентинин Ош облусундагы ыйгарым укуктуу өкүлү Элчибек Жантаев, Коргоо министринин орун басары – Куралдуу Күчтөрүнүн Генералдык штабынын түштүк-батыш оперативдик командачылыгынын башчысы, полковник Алмазбек Карасартов, аскер кызматкерлери, шаар тургундары катышты.
Концерттик программанын алкагында КР Коргоо министрлигинин аскердик оркестринин аткаруусунда ата мекендик жана чет элдик композициялык чыгармалар жаңырып, атайын багыттагы күчтөрүнүн ар кандай кырдаалдардан чыгып кетүү ыкмалары көрсөтүлдү.
Ошондой эле, КР Куралдуу Күчтөрүнүн Борбордук үйүнүн, КР Куралдуу Күчтөрүнүн түштүк-батыш оперативдүү командачылыгынын аскер кызматкерлери да өз өнөрлөрүн тартуулашты.
Белгилей кетсек, мындай иш-чаралар аскердик музыкалык маданиятын таанытуу максатында алгачкы ирет өлкөнүн ар бир облусунда өткөрүлүп, бүгүн чоң программадагы гала-концерт менен жыйынтыкталды.
