Бүгүн, Ош шаарынын борбордук аянтында Нооруз майрамына карата салтанаттуу маданий майрамдык иш-чара болуп өттү. Ага Кыргыз Республикасынын Министрлер кабинетинин төрагасы Акылбек Жапаров, шаар тургундары жана коноктору катышты.
Майрамдык салтанатта Кыргыз Республикасынын Министрлер кабинетинин төрагасы Акылбек Жапаров жалпы Ош шаарынын тургундарын жана конокторун Нооруз майрамы менен куттуктады. Мында Ош шаарында жасалып жаткан алгылыктуу иштерге токтолуп, алдыда шаарды ар тараптан өнүктүрүү боюнча дымактуу максаттар коюлганын белгиледи.
Нооруз шаңы андан ары маданият тармагынын өкүлдөрү тарабынан даярдалган “Ноорузду даңазалоо” аттуу чоң программадагы концерттик программа менен улантылды.
Ошондой эле борбордук аянттын оң тарабында 7 кыргыз боз үйлөрү тигилип, “Кыргыз шырдак” көргөзмө – жарманкеси да уюштурулду.
