Бүгүн, Ош шаарынын А. Масалиев көчөсүндө жайгашкан ашканалардын, кафе-ресторандардын жарнамаларын, ичиндеги маалыматтарды, тамак-аш аталыштарын “Кыргыз Республикасынын мамлекеттик тили жөнүндө” конституциялык Мыйзамынын талаптарына ылайык келтирүү максатында жеринде туура жазылышы текшерилип, түшүндүрүү иштери жүргүзүлдү.
Тил мыйзамына туура келбеген жагдайлар боюнча мыйзам чегинде иш алып барылып, тиешелүү кызматтар тарабынан тиешелүү акттар түзүлдү. Эскертилген мөөнөттө кетирилген каталар оңдолбосо, белгиленген өлчөмдө айып пул салынары эскертилди.
Ош шаарынын мамлекеттик тил комиссиясы коомдук тамактануучу жайлардын ээлерин мамлекеттик тил мыйзамынын талаптарын аткарууга чакырат.
