Бүгүн, Ош шаарынын көчөлөрүндө “Кыргыз Республикасынын мамлекеттик тили жөнүндө” Кыргыз Республикасынын конституциялык Мыйзамы жана “Жарнама жөнүндө” Мыйзамынын сакталышы жана аткарылышы боюнча рейд жүргүзүлдү.
Текшерүү алгач Ош шаарынын Масалиев көчөсүнөн башталып, Ош шаарынын мэриясынын Мамлекеттик тил комиссиясынын мүчөлөрү, муниципалдык менчик башкармалыгынын, “Манас-Ата” муниципалдык аймактык башкармалыгынын кызматкерлери тарабынан Мамлекеттик тил Мыйзамынын талабына жооп бербеген, эскилиги жеткен көрнөк-жарнамалардын ээлерине бир катар эскертүүлөр берилип, түшүндүрүү иштери жүргүзүлдү.
Ошондой эле буга чейин тиешелүү көрсөтмөлөр жана эскертүүлөр берилген, ченемдик укуктук актыларды бузган, мыйзам талабына жооп бербеген эскилиги жеткен жарнамалар алынды.
Рейддик иш-чаралар уланат.
