Ош шаарында жарыяланган жазгы үч айлыктын алкагында түзүлгөн штабдын кезектеги төртүнчү жыйыны өткөрүлдү. Ага Ош шаарынын мэринин орун басары Эрнис Толтоев, мекеме-ишканалардын жетекчилери, айылдык аймактык жана муниципалдык аймактык башкармалыктардын башчылары катышты. Жыйында 26-марттагы үчүнчү штабдык чогулушта берилген протоколдук тапшырмалардын аткарылышы боюнча маалыматтар алынып, келе жаткан ишемби күнү, 4-апрелдеги ишембиликти уюшкандыкта өткөрүү боюнча тапшырмалар берилди. Белгилей кетсек, Улуттук «Жашыл Мурас» кампаниясынын алкагында жарыяланган жазгы үч айлык өнөктүгү Ош шаарында 2026-жылдын 31-майына чейин улантылат. Бул жылы тазалоо иштери менен бирге көчөт отургузуу иштери активдүү жүрүп жатат.
