Ош шаарынын аймагында жазгы үч айлыктын алкагында жалпы ишембилик өтүүдө. Ишембиликке шаардагы бардык мекеме-ишканалардын кызматкерлери, айылдык, муниципалдык аймактык башкармалыктар, жогорку, орто, кесиптик окуу жайлары жана шаар тургундары катышууда.
Бул жолу 26-марттагы штабдын үчүнчү жыйынында берилген тапшырмага ылайык шаардагы бак-дарактарды актоо иштери жүрүүдө. Ошондой эле шаардагы парктар, эс алуу жайлары, көчөлөр, имараттардын алды иретке келтирилүүдө.Мындан сырткары шаар аймагындагы рекультивацияланган эки көрүстөнгө көчөттөр отургузулуп, жашылдандыруу жана көрктөндүрүү иштери жүрүүдө.Ишембиликти жогорку деңгээлде өткөрүү үчүн атайын техникалар бөлүнүп, катышуучулар керектүү шаймандар менен камсыздалып, тиешелүү кызматтар тарабынан жумуштар активдүү алынып барылууда. Белгилей кетсек, “Жашыл Мурас” улуттук кампаниясын ишке ашыруу максатында жарыяланган жазгы үч айлык өнөктүгү Ош шаарында 2026-жылдын 31-майына чейин улантылат.
