Бүгүн, Ош шаарынын мэри Бакытбек Жетигенов бир катар билим берүү мекемелерине барып, жеринде жүргүзүлүп жаткан капиталдык оңдоо иштеринин жүрүшү менен таанышып чыкты.

Алсак, мэр №49 «Таң шооласы», №29 «Дарман», №62 «Каныкей», №60 «Арча Бешик» балдар бакчаларында жана «Келечек» балдардын чыгармачылык борборунда болуп, аталган имараттарда жүрүп жаткан ремонттоо иштерин көрүп, бардык жумуштарды тийиштүү деңгээлде сапаттуу жана өз мөөнөтүндө бүткөрүүнү тапшырды.