Ош шаарынын так ортосунда жайгашкан Курманжан датка көчөсү жаңыланып, айланасы иретке келтирилет. Аны менен бирге көрктөндүрүү жана архитектуралык көрүнүшүн жакшыртуу боюнча иш-аракеттер башталат.

Бүгүн бул багыттагы иштерди уюштуруу максатында Ош шаарынын мэри Жанарбек Акаев жаңы курулуп жаткан Ош мамлекеттик университетинин клиникасынын аймагында университеттин ректору Кудайберди Кожобеков жана тиешелүү мекеме-ишканалардын жетекчилери менен көчмө жыйын өткөрдү.

Жыйында клиниканын айланасындагы эскирген жана башаламан жайгашкан объектилерди алып салуу, ошондой эле Курманжан датка көчөсүнүн жалпы көрүнүшүн жакшыртуу маселелери талкууланып, тиешелүү кызматтарга бул жаатта иштерди алып баруу боюнча бир катар тапшырмалар берилди.

Алдыда аталган көчөдө тазалыкты камсыз кылуу, жашылдандыруу жана заманбап шаардык чөйрөнү түзүүгө багытталган иштер жүргүзүлөт.

https://www.facebook.com/share/v/1BakKVHX5i/?mibextid=wwXIfr