Бүгүн, Ош шаарында жайгашкан диний мекеме-уюмдардын, мечиттердин жана медреселердин аталыштары, ичиндеги маалыматтар жана жазуулардын “Кыргыз Республикасынын мамлекеттик тили жөнүндө” конституциялык Мыйзамынын талаптарына ылайык келтирүү максатында Ош шаарынын мэриясынын мамлекеттик тил боюнча комиссиясы, Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиянын аймактарда мамлекеттик тилди өнүктүрүү бөлүмү жана Кыргыз Республикасынын Дин иштери боюнча мамлекеттик комиссиясынын түштүк бөлүмү менен биргеликте жеринде түшүндүрүү иштери жүргүзүлдү.
Мамлекеттик тил мыйзамынын талаптарын бузган жана кыргыз тилинин жазуу эрежелерине туура келбеген одоно каталар жеринде алынып салынып, эскертүүлөр берилди.
Ош шаарынын мамлекеттик тил комиссиясы тарабынан мамлекеттик тил мыйзамынын аткарылышы боюнча мониторинг иштери улантылмакчы.
