Урматтуу Ош шаарынын тургундары!

Баарыңыздарды улуу, ыйык Орозо айт майрамы менен куттуктайм!

Рамазан айы – тынчтыктын, сабырдуулуктун, кечиримдүүлүктүн, берекенин ыйык айы. Бир ай бою жакшылыкка үмүт байлап, жакшы ниет менен орозо кармап, бүгүнкү айт намазын сиздер менен чогуу окуп жатабыз.

Орозо айт – элибиздин илгертен бери белгилеп келген кайрымдуулук жана кубаныч майрамы.
Бүткүл мусулман эли бул күндү ырайымдуулуктун жана руханий тазалануунун символу катары белгилейт.
Бүгүн Алла Тааланын мээримине шүгүр келтирип, тирүүлүктү барктап, ыйманыбызды, ишенимибизди бекемдей турган күн.
Кымбаттуу мусулман бир туугандар!

Ушул күнү ыйман нуру ар бирибиздин жүрөгүбүзгө жылуулук тартууласын. Орозо айында муктаждарга жасаган соопчулук, кайрымдуулук ишиңиздер мындан ары да улана берсин!
Ыйык айтта сиздер ниет кылган дуба-тилектердин баары кабыл болсун!

Ар бир үйгө токчулук, береке, ырыс-кешик каалайм!

Ордолуу Ошубуздан ырыскы кут кетпесин! Өлкөбүзгө тынчтык, туруктуулук жана өнүгүү орносун.
Кийинки Орозо айт намазында баарыбызга аманчылыкта жолугушууну насип этсин.

Орозо айтыңыздар маарек болсун!