Бүгүн Ош шаарында шаар мэри Жанарбек Акаевдин демилгеси менен жазгы үч айлыктын алкагында жалпы ишембилик экинчи ирет өткөрүлүүдө. Ага мекеме-ишканалардын кызматкерлери, окуу жайлардын жамааттары, билим берүү жана саламаттык сактоо тармактарынын өкүлдөрү, ошондой эле шаар тургундары катышууда. Ишембиликке атайын техникалар тартылып, катышуучулар керектүү шаймандар менен камсыздалды. Учурда негизинен Ак-Буура дарыясынын ички бөлүгү жана жээктери тазаланып, таштандылар, былтыркы калдыктар, чөптөр жана камыштар алынып салынууда. Ошондой эле шаардагы парктар, көчөлөр жана имараттардын айланасы иретке келтирилип жатат. Белгилей кетсек, Улуттук «Жашыл Мурас» кампаниясынын алкагында жарыяланган жазгы үч айлык Ош шаарында 31-майга чейин уланат.
