Бүгүн, Ош шаарынын мэринин орун басары Нурбек Кадыров пробация кеңешинин кезектеги жыйынын өткөрдү.
Жыйында, 2023-жылдын 4-кварталында өткөн жыйында кабыл алынган чечимдердин аткарылышы, 2024-жылдын 1-кварталына карата коомдук жумуштарды аткаруу үчүн объектилердин тизмесин бекитүү, Ош шаары боюнча пробация бөлүмүндө каттоодо турган жарандарга социалдык, медициналык жактан көмөк көрсөтүү маселелери талкууланды.
Ошондой эле пробация жаатында аткарылган жумуштарды “Пробация” санариптик маалымат тутумуна киргизүү боюнча маселе каралып, бир катар сунуштар айтылды.
Соңунда пробациянын кардарларын талаптарга ылайык кайрадан социалдаштыруу, оор турмуштук кырдаалдан чыгууга ар тараптуу көмөк көрсөтүү тапшырмасы берилди.
