Ишембиликтин алкагында алгач Алымбек-Датка этнографиялык борборунда «Ош-Тазалык» атайын адистештирилген муниципалдык ишканасы тарабынан уюштурулган “Тазалык сенден башталат” аттуу флешмоб өттү.
Андан соң чогулган шаар тургундары, студент жаштар, спортчулар Ош-Баткен, Ош-Бишкек, Ош-Араван эл аралык жол жээктерин жана шаар аймагындагы бөлүнүп берилген жерлерди тазалашты.
Ал эми “Шаардык көрктөндүрүү жана жашылдандыруу чарба комбинаты” муниципалдык ишканасы тарабынан Ленин көчөсүнө клён, эмен, павловния дарактарынын көчөттөрү отургузулду.
Ишембиликке менчигинин түрүнө карабастан, шаардагы бардык мекеме-уюмдардын, ишканалардын, мамлекеттик жана муниципалдык кызматтын жамаатары жана шаар тургундары активдүү катышышты.
