Бүгүн, Ош шаарынын мэриясы, Кыргыз Республикасынын Президентине караштуу Мамлекеттик жана шаардык тил саясаты боюнча улуттук комиссиясынын мүчөлөрү, тиешелүү кызматтардын өкүлдөрү биргеликте рейдге чыгышты.
Рейдде Кызыл-Кыштак айылдык аймактык башкармалыгынын Курманжан датка көчөсү, Төлөйкөн айылдык аймактык башкармалыгынын Мамыров, Калинин көчөлөрүндө жайгашкан объекттер текшерилип, мамлекеттик тил мыйзамын одоно бузган, грамматикалык каталары бар, эскилиги жеткен, архитектуралык талаптарга жооп бербеген жарнамаларды алып салуу иштери жүргүзүлүп, менчик ээлерине жарнамаларды “Кыргыз Республикасынын мамлекеттик тили жөнүндө” жана “Жарнама жөнүндө” Мыйзамдарынын талаптарына келтирүү боюнча эскертүүлөр берилди.
Мындан ары эскертүү берилген, бирок талапты аткарбагандар үчүн катуу чаралар көрүлөт. Рейд иштери уланат.
