Ош шаарында жарыяланган жазгы үч айлыктын алкагында Ак-Буура дарыясынын ички бөлүгү жана жээктери таштандылардан толук тазаланууда. Учурда тазалоо иштерине атайын техникалар тартылып, тиешелүү кызматтар тарабынан дарыянын жээгинде топтолгон таштандыларды чыгаруу, нугун кеңейтүү иштери жүргүзүлүп жатат. Белгилей кетсек, шаар мэри Жанарбек Акаев ишембилик учурунда дарыянын жээгин таштандылардан арылтуу, айлана-чөйрөнүн тазалыгын сактоо, дарыянын нугун ачуу сел кырсыктарынын алдын алуу үчүн маанилүү экенин белгилеп, дарыянын жээгин жана ички бөлүгүн тазалоо боюнча тишелелүү тармактарга тапшырма берген. Ошондой эле калаа башчысы шаардыктарды экологияны коргоого, жашылдандыруу иштерине активдүү катышууга жана тазалык маданиятын калыптандырууга чакырган.
