Ош шаарында Дүйнөлүк көчмөндөр оюндарына даярдык көрүүнүн алкагында өткөрүлгөн «Этно бий» республикалык сынагында баш байгени жеңип алган «Арууке» бий ансамблинин жана Бишкек шаарында өткөн «Жаштар ЭКСПО» көргөзмөсүндө кубоктун жеңүүчүсү Enactus командасы сыйланды. Иш-чаранын жүрүшүндө Ош шаарынын мэринин орун басары Ош Масуда Айдарбекова жана Ош шаардык кеңештин төраганын орун басары Ниязбек Нурбаев жеңүүчүлөрдү куттуктап, «Арууке» бий ансамблине 300 миң сом, ал эми ОшМУнун Enactus командасына 50 миң сом өлчөмүндө акчалай сыйлык тапшырышты. Ошондой эле шаардык маданият жана жаштар иштери боюнча башкармалыгы тарабынан уюштурулган «Жалындуу жаштар» долбоорунун жыйынтыгы чыгарылып, долбоорго активдүү катышкан жаштарга баалуу белектер жана сыйлыктар ыйгарылды. Иш-чара жаштардын жетишкендиктерин даңазалоого, алардын чыгармачылык колдоого багытталды.
