Бүгүн 22-август күнү Ош шаарындагы “Булак” спорт комплексинде Ош шаарынын сууда сүзүү боюнча 2-квалификациялык турнири болуп өттү.
Мелдешке 2010-2019-жылдары төрөлгөн жалпы 230 өспүрүм катышып, жаш спортчулар төрт категория боюнча күч сынашты.
Мелдештин жыйынтыгында байгелүү орундарга ээ болгон спортчулар Ош шаардык дене тарбия жана спорт комитети тарабынан диплом жана медалдар менен сыйланышты.
Белгилей кетсек, аталган турнирдин жыйынтыгы менен Ош шаарынын сууда сүзүү боюнча курама командасынын мүчөлөрү аныкталат.
