30-сентябрда, шаар күнүнө арналган иш-чаралардын алкагында Ош шаарынын борбордук аянтында жеңил атлетика боюнча массалык жарыш өтөт.

Жарышка катышууну каалаган жарандар 30-сентябрда саат 08:00дө “Түбөлүк от” мемориалдык комплексинин жанында катталышса болот.

Ал эми мекеме-ишканалардын табыштамалары 2023-жылдын 29-сентябрына чейин Ош шаардык дене тарбия жана спорт комитетинин калыстар тобу тарабынан кабыл алынат.

Жөө күлүктөр төмөнкү жаш категориялар боюнча сыналат:

– мектеп окуучулары;

– студенттер;

– күч түзүмдөрүнүн өкүлдөрү;

– 25-65 жаштагы жарандар.

Жарыш 400, 500, 1500 жана 2200 метр аралыкта өтөт.

Байланыш телефондор: (03222) 7-06-99, 5-63-78.

Эскертүү: Жеңил атлетика боюнча жарышка дарыгердин уруксаты бар адамдар катыша алат.

Жеңүүчүлөр эркектер жана аялдар арасында ар бир топ боюнча өзүнчө аныкталат. 1,2,3-орунду ээлеген катышуучулар Ош шаардык дене тарбия жана спорт комитетинин баалуу белектери, дипломдору жана медалдары менен сыйланышат.

Мектеп окуучулары менен студенттерге да баалуу сыйлыктар каралган.