Бүгүн, 13-октябрда Ага Хан мектебинин түзүлгөндүгүнүн 20 жылдыгына карата салтанаттуу иш-чара болуп өттү.
Иш-чарага Ош шаарынын мэри Бакытбек Жетигенов катышып, билим берүү мекемеси окуу процессине заманбап технологияларды ийгиликтүү киргизүү менен бирге билим берүү тармагын ар тараптуу өркүндөтүүгө олуттуу салым кошуп жатканын белгилеп, мектептин маанилүү датасы менен куттуктады.
Иш-чаранын алкагында мектеп окуучулары окуу процессинде үйрөнгөн интерактивдүү тажрыйбалары жана идеялары менен бөлүшүп, илимий эмгектерин көрсөтүштү.
Калаа башчысы ак эмгеги менен өзгөчөлөнгөн бир катар мугалимдерге Ош шаарынын мэриясынын Ардак грамоталарын тапшырды.
Майрамдык иш-чара Ага Хан мектебинин окуучулары тарабынан даярдалган концерттик программа менен жыйынтыкталды.
