Бүгүн, Ош мамлекеттик университетинде аялдардын коомдогу, үй-бүлөдөгү ордун жогорулатуу, аларга жана балдарга карата зордук-зомбулуктун алдын алуу, көйгөйлөрүн жөнгө салуу, коопсуздук эрежелери тууралуу маалыматты жеткирүү максатында “Аялдарга жана балдарга карата зомбулуктун алдын алуу” аталышында форум өткөрүлдү.

Иш-чарада Ош шаарынын мэринин орун басары Н. Кадыров бул багытта үй-бүлөлүк зомбулуктун бардык түрлөрүнүн алдын алуу боюнча муниципалдык аймактык башкармалыктар менен зордук-зомбулуктун коркунучу жогору болгон үй-бүлөлөрдү тизмеге алып, коопсуздукту камсыз кылуу боюнча тынымсыз чаралар көрүлүп жатканын билдирди.

Психологдор, эксперттер ой-пикирлерин айтып, аялдарга жана балдарга карата зомбулуктун алдын алуу жана механизмдерин колдонуу боюнча жаштар менен пикир алмашты.