Бүгүн, Ош шаарына БУУнун Бүткүл дүйнөлүк азык-түлүк программасынын алкагында Орусия 200 тоннадан ашык байытылган ун жеткирди.
Өлкөнүн түштүк аймагы Бүткүл дүйнөлүк азык-түлүк программасы тарабынан колдоого алынып, жыл сайын бул аймактагы 4600дөй адамга азык-түлүк (байытылган ун, өсүмдүк май) таратылат.
Орусия Федерациясы БУУнун азык-түлүк программасын колдоого алган (ВПП ООН) Кыргызстандагы эң ири донор. Акыркы 10 жылдан бери Орусия Кыргыз жарандарына социалдык коргоо жаатында колдоо көрсөтүп келет.
Ош шаарынын мэриясынын, Орусиянын Ош шаарындагы Башкы консулдугунун жана Орус үйүнүн өкүлдөрү келген азык-түлүктөрдү өткөрүп алуу жараянына катышышты.
