Бүгүн Азербайжан Республикасынын Президенти Ильхам Алиевдин Кыргыз Республикасына болгон мамлекеттик сапарынын алкагында Чолпон-Ата шаарындагы “Рух-Ордо” маданий борборунда Ош шаары менен Азербайжандын Гянжа шаарынын ортосунда боордоштук байланыштарды түзүү боюнча меморандумга кол коюу жана алмашуу аземи өттү.
Иш-чаранын жүрүшүндө Ош шаарынын мэри Жанарбек Акаев менен Азербайжан Республикасынын Кыргыз Республикасындагы Атайын жана Ыйгарым укуктуу Элчиси Латиф Гандилов эки тараптуу кызматташтыкты бекемдөөгө багытталган документтер менен алмашышты.
Аталган меморандум эки шаардын ортосундагы достук жана өнөктөштүк мамилелерди өнүктүрүүгө, өз ара пайдалуу байланыштарды кеңейтүүгө, ошондой эле шаардык башкаруу, маданият жана башка тармактарда тажрыйба алмашууну жандандырууга багытталган.
